“Кабакі – назва-тэрмін: кабак у дарэвалюцыйнай Расіі – месца казённага продажу спіртных напояў”.
Жучкевич В.А. Краткий топонимический словарь Белоруссии.[1]
“Кабакі – група родзічаў па мянушцы або прозвішчы іх агульнага продка Кабак. У татарскай і турэцкай мовах слова “кабак” азначае гарбуз, прастак, невук. Яно і было пакладзена ў аснову старажытнага імя мянушкавага паходжання Кабак”.
Лемцюгова В.П. “Тапонімы распавядаюць”.[2]
Старыя людзі расказвалі, што калісьці дарога ад горада Бярозы да горада Пружаны была пясчанай і насіла назву “гасцінец”. У тыя далёкія часы купцы часта ездзілі гэтай дарогай: адны ехалі конямі за таварам з Пружан у Бярозу, а другія – з Бярозы ў Пружаны. Дарога была не блізкай, і задумалі купцы зрабіць прыпынак, каб адпачылі коні ды і самім неяк сагрэцца. Была пабудавана стайня з конямі і некалькі жылых памяшканняў для наёмных сялян, каб даглядалі за конямі, а калі трэба, то і змянілі іх для дарогі. Пабудавалі карчму, ды не адну, іх называлі кабакамі. Тут купцы па дарозе спыняліся перакусіць і адпачыць. Пачалі з цягам часу тут сяліцца сяляне, а паселішча стала называцца Кабакі.[3]
[1] Жучкевич, В.А. Краткий топонимический словарь Белоруссии / В.А. Жучкевич. – Минск : Издательство БГУ, 1974. – С. 140.
[2] Лемцюгова, В.П. Тапонімы распавядаюць : навукова-папулярныя эцюды / В.П.Лемцюгова. – Мінск : Литература и искусство, 2008. – С.177.
[3] Паданне запісана бібліятэкарам Кабакоўскай СБ Р.А. Неліповіч са слоў яе бабулі, жыхаркі вёскі Кабакі Вольгі Сяргееўны Гаманчук.
