Вачыма зорнымі
Глядзіш у сэрца мне.
Шляхі прасторныя
Жыцця майго — твае.
Сцяжынай кожнаю
Да шчасця ты вядзеш,
Мой край бярозавы.
А дзе ёсць лепшы, дзе ж?..
Утульная мая
Бяроз і мар зямля,
З усіх дарог чакай,
З любоўю сустракай.
Вярнуся я здаля —
На сэрцы супакой.
Бяроз і мар зямля,
Ты стала мне сястрой.
Расінкай кожнаю
Хай ранак зіхаціць.
А волю Божую
Хай сэрца разглядзіць.
Адзіная мая
Бяроз і мар зямля,
З усіх дарог вітай,
Гасцінна сустракай[1].
[1] Казловіч-Усцілоўская, А. Бяроз і мар зямля : [верш] / Алена Казловіч-Усцілоўская // Маяк. — 2023. — 18 марта. — С. 10. — (Крыніца : літаратурная старонка).
